資料主要留喺你部機
癲覆日曆：你嘅班次、行事曆同設定資料主要留喺你部機。只有用到群組、登入、備份同 AI 匯入呢類功能時，先會將需要嘅資料傳去我哋伺服器。
我哋唔做廣告追蹤。iOS 私隱清單（PrivacyInfo.xcprivacy）標明 NSPrivacyTracking 為 false，亦冇追蹤域名。
我哋會處理邊類資料
根據 App 內私隱清單同功能需要，為咗提供 app 功能（唔係追蹤），可能涉及：
- 電郵地址、顯示名稱（登入同帳戶）
- 用戶識別碼（Firebase UID）同裝置識別（例如推送用）
- 相片／影片同其他用戶內容（你揀用 AI 匯入更表時上載嘅檔案；確認後寫入嘅行事曆內容）
- 產品互動、當機資料同其他診斷資料（用來維持服務同除錯）
以上類型喺私隱清單入面都標成與帳戶連結、用途為 App Functionality、唔用於追蹤。
AI 匯入更表（相片／PDF）
只有你自己揀用 AI 讀更表，張相或者 PDF 先會上傳去伺服器處理；唔用 AI 就喺你部機度讀。上載前會有明示同意。
AI 用嘅係付費版 Google Gemini；你嘅資料唔會用嚟訓練 AI。處理完即刻刪，唔會留低相片同 PDF。
每次匯入會留低一條匯入工作記錄（方便你預覽同重開草稿），最多保留約 7 日；入面只記低檔案類型（副檔名），唔會留完整檔名或者相片／PDF 內容。
刪除帳戶
你可以喺 app「設定 › 私隱 › 刪除帳戶」刪除帳戶。刪除帳戶之後，我哋會刪晒你嘅個人資料同內容，包括班次、行事曆、群組資料、AI 匯入記錄同設定。
為咗防止有人重複開帳戶濫用，同埋處理之前收到嘅檢舉，我哋只會保留一個隨機帳戶編號（Firebase UID）同「已刪除」標記，冇名、冇電郵、冇日曆內容，亦唔會用嚟追蹤你。系統備份同紀錄最遲 30 日內自動過期。
你會退出所有群；其他人仍然睇得到佢哋自己嘅嘢，但唔會再見到你嘅得閒時間。你 iCloud 入面由癲覆日曆同步嘅資料都會一齊刪除。
代我哋處理資料嘅服務
- Google Firebase：登入、帳戶驗證、推送同崩潰報告
- Neon：後端資料庫
- Google Cloud Run：後端伺服器
- Google Gemini（付費版）：只喺你揀用 AI 匯入時處理更表相／PDF
- Apple CloudKit：iPhone 之間分享同個人備份（跟你裝置上嘅 iCloud 設定）
權限
相機、日曆同通知只會喺你用相關功能時先問。相簿揀相用系統選擇器，唔會為咗 AI 匯入而要求完整相簿權限。詳情亦見 app 內權限說明。
聯絡我哋
有關私隱嘅問題，請去支援頁電郵我哋。
© 2026 癲覆日曆